𝐄𝐊𝐈𝐏𝐀 𝐌𝐄𝐒𝐒𝐊 𝐒𝐔𝐏𝐄𝐑𝐕𝐈𝐙𝐈𝐎𝐍𝐀, 𝐌𝐎𝐍𝐈𝐓𝐎𝐑𝐈𝐙𝐀 𝐍𝐎 𝐇𝐀𝐋𝐎 𝐅𝐈𝐒𝐊𝐀𝐋𝐈𝐙𝐀𝐒𝐀𝐔𝐍 𝐁𝐀 𝐒𝐄𝐑𝐕𝐈𝐒𝐔 𝐀𝐃𝐈𝐃𝐔 𝐄𝐃𝐔𝐊𝐀𝐒𝐀𝐔𝐍 𝐍𝐈𝐀𝐍 𝐈𝐇𝐀 𝐈𝐍𝐃𝐎𝐍𝐄𝐒𝐈𝐀

Ekipa Konjunta hosi Ministériu Ensinu Superiór, Siénsia no Kultura, lidera hosi Inspetoór Jerál MESSK, Sr. Domingos Barros, ho Xefé Gabinete MESSK, Sr. José Boavida Simões, hamutuk ho dirijentes no tékniku sira hosi Unidade Parseria no Kooperasaun MESSK, halo supervizaun, monitorizasaun no Fiskalizasaun ba Gabinete Adidu Edukasaun MESSK nia servisu iha Indonesia, durante semana ida, hahú hosi loron 23 to’o loron 27 outubru 2023, iha Kupang, Bali no Jakarta, Indonesia, hodi asegura no garante nafatin servisu di’ak iha país ne’ebá.

Ekipa ne’e hasoru malu ho tékniku sira hosi gabinete adidu edukasaun nian, nomós ekipa hosi Konsuladu no Embaixada Timor-Leste iha Indonesia ne’ebé durante ne’e, sempre hala’o servisu hamutuk ho Adidu Edukasaun MESSK nian iha-neébá.

Delegasaun MESSK ne’ebé halo parte iha atividade ne’e maihosi Diretór Nasionál Finansas no Planementu, Diretór Nasionál Aprovizionamentu, no Xefe Departamentu Unidade Parseria no Koperasaun, ne’ebé akompaña mós hosi Tékniku Unidade Relasaun Públika MESSK nian.